Ekitaldiak kargatzen

« All Ekitaldiak

  • ekitaldia hau amaitu da.

Jardunaldia. Hitza eta Ekintza

azaroa 10 - 11:00

Langile klasea, bere antolakuntza esperientziak Euskal Herrian, nazio auzia… izango ditugu eztabaida gai hiru hitzaldi/eztabaida ezberdinetan. Horretarako, denbora historiko eta esperientzia ezberdinen partaide zein ikerlariak diren norbanakoak izango ditugu gurekin azaroko hiru larunbatetan, hilaren 3an, 10ean eta 24an burutuko diren hitzaldietan. Datu biltze eta esperientzia kontaketa hutsetik haratago kokatzea gustatuko litzaiguke ere, Euskal Herriko esperientziak iparrorratz hartu eta egungo militantzia eremuetan jaso ditzakegun ikasketak gaurkotuz.

Izan ere, 50. urtemuga dugu ETA erakundeak V. biltzarra burutu eta antolakunde bereko Txabi Etxebarrieta militante sozialista iraultzailea akabatu zutenetik, eta 40. urteurrena Argala, Pertur eta Naparraren hilketetatik. Uste dugu 70. eta 80. hamarkadetan badela esperientziarik jasotzeko, teorian zein praxian, mugimendu politiko ezberdinetan, langileen ezagutzaren ikuspegitik eta askatasunez ekiteari dagokionean.

Azaroaren 10ean Juantxo Estebaranz idazlea, Likiniano elkarteko kidea eta doktorea izango dugu gurekin, 80. hamarkadako mugimendu autonomoen hainbat esperientzien berri emango diguna. Ibilbide militante luzea du Juantxok, baita editore lanetan aritua ere. Hitzaldia 11:00tan hasiko da, Zestuko Gaztetxean.

Xehetasunak

Data:
azaroa 10
Ordua:
11:00

Egoitza

Zestuko Gaztetxea

© 2018 Kontu Lepo