Euskararen nazioarteko eguna gaur omen dela eta, aukera baliatu nahi nuen gure hizkuntzaren gainbehera eta horren aurrean egiten diren kanpainen inguruan iritzia emateko. Ideia guztiak ongi ordenatu gabe izateak eta auziaren inguruko hari-mutur guztiak argi ez izateak ez dit utziko nahi nukeen zehaztasunez idazten edota soluzioak eskaintzen. Alabaina, hausnarketa honek balio beza ondorengo beste batzuei bide emateko, eta jendeak ikusteko ohiko bertsio ofizial eta iritzi politikoki zuzenez gain, badirela euskararen auzia beste klabe batzuetan ulertzen dituztenak ere. Segi letzen!
“Jaurlaritzak bere lehiakortasuna bermatzeko ez dizkio armagintza sektoreari diru laguntzak ukatuko. Gerraren industriak onurak ekartzen ditu Euskadiko familia askorentzat.” Karmelo Sainz de la Maza (Jose Antonio Ardanza lehendakariaren bozeramaile izandakoa)
Gaurkoan gerraren inguruan arituko naiz labur bada ere. Izan ere, ugari dira errefuxiatuen aldeko kanpainak gure inguruan, eta denoi astintzen digu kontzientzia telebistan gerrako irudi gordinenak ikusteak. Baina gerra gu uste baino gertuago daukagu, eta errefuxiatuen aldeko hitzak hipokresi huts bilakatzen dira errefuxiatuak zerk eragiten dituen eta guk horretan zenbaterainoko ardura daukagun ohartzen ez bagara.
Liburu batean oinarrituta hainbat datu aipatzea da nire asmoa, horrek nire ustez nahiko oker bideratutako kanpainak (“Ongi etorri errefuxiatuak” etab.) birpentsatzen lagunduko duelakoan. Argi dago errefuxiatuak gure herrialdeetan hartzea ezinbestekoa dela etika kontu hutsagatik bada ere, eta horretan ardura handiago eskatu behar diegula gure agintariei. Alabaina, ezin da ahaztu zerk eragiten dituen errefuxiatu horiek.
Armagintza: gerra ona da negozioentzat. Gure negozioa gerra da izeneko liburua irakurri berri dut eta hortik jasotako informazioa eta hausnarketak helarazi nahi dizkizuet. Izan ere, liburuan arma enpresei buruzko informazioa datorkigu, 100 enpresa dira gaur egun Euskal Herrian nolabait armagintzarekin zerikusia dutenak (bakarren bat ez zaigu oso urrunekoa egingo agian…). Gehienak diru publikoz lagundutako enpresak dira, hau da, gure zergetatik jasotako dirua armak egiteko erabiltzen da, gero jendea hiltzeko. Enpresa hauek Espainiako ejertzitoari armak saltzeaz gain nazioartera esportatzen dute, eta batez ere krisiaz geroztik, gure ekonomiaren sostengu nagusietako bat bilakatu dira.
Enpresez gain, unibertsitateek ere industria militarra elikatzen dihardute. Euskal Herriko Unibertsitate publikoa nahiz Mondragon unibertsitateak dira horren adibide; biek hala biek arma enpresei zuzendutako ikerketak burutzen dituzte. Enpresa horiek unibertsitateen ikerketarako gaitasunaz baliatzen dira, horretarako dirua jartzen dute eta ordainetan beren ekoizpena hobetzeko ikerketak egiten dituzten unibertsitateek. Bai; gure EHU publiko maiteak eta Mondragon unibertsitateak arma hobeak fabrikatzeko lan egiten dute, jendea errazago eta azkarrago hiltzea lortzeko.
Pentsatzekoa den moduan bankuak eta aseguru-etxeak ere ez daude saltsa honetatik salbu. 2008ko krisiaz geroztik arnasbide handia izan da horientzat ere armagintza. Gaur egun, Espainiako arma enpresen zorraren ratioa %73koa da bataz beste; hau da, lau armetatik hiru ez ziren existituko mundu osoko arma industriak bankaren eta aseguru-etxeen babesik ez balu. Ez dut uste esan beharrik dagoenik baina dudarik bazen ere gutako gehienon Kutxabank ere tartean dago, eta ez da rankingean azkenetarikoa…
Datu askoz gehiago eta zehatzago azaldutakoak ageri dira liburuan, 40 orri inguru ditu eta erraz irakurtzeko modukoa da (interneten ere eskuragarri dago: bagaudia.noblogs.org).Irakurri beharrekoa beraz, instituzio eta agintariei errefuxiatuen inguruko ardurak eskatu aurretik badugu zerren ardurak eskatua. Gerra munduko negozio nagusienetakoa da, eta gu horren onuradun eta konplize.
Goizero moduan lanean, irratia piztuta, neure zereginak nola hala betetzen ari nintzen astelehenean. Euskadi Irratia entzun ohi dugu lantokian eta han ari ziren betiko tertuliano aspergarriak Gure Esku Dagoren giza katea gora eta Altsasuko auziaren proportzionaltasunik eza behera. Nork erabakitzeko eskubidea zabalago defendatuko, nork justizia ozenago aldarrikatuko, nor demokratago. Nazkatuta, irrati katea aldatu eta Arrate Irratia jarri nuen. Meza ari zen han, berriz; meza santua.
Tajuzko artikulu bat idazteko astik ez ta kezka bat gaurkuen plazara. Astebeteko epien hiru notizi uztarrian udalak turismue bultzatzeko eindako ekimenakin. Hiru aldiz turismo zinegotziye uztarriako albistetako argazkitan… (hemen beyen notiziyek)
Ta nere kezkie da: Pentsau al du udalak guk nahi al deun gure herriyen turismue hainbeste bultzatzie? Parte-hartzie hainbeste bultzatzeun udal jator horrek zeatik eztigu galdetzen aber gure herriyen turistak ibiltzie interesatze altzaigun? Segi letzen!
En un lejano país existió hace muchos años una Oveja negra. Fue fusilada. Un siglo después, el rebaño arrepentido le levantó una estatua ecuestre que quedó muy bien en el parque.
Así, en lo sucesivo, cada vez que aparecían ovejas negras eran rápidamente pasadas por las armas para que las futuras generaciones de ovejas comunes y corrientes pudieran ejercitarse también en la escultura.
Augusto Monterrosso
Facebookek nire laguna dela dioen batek atari horretan jarritakoak haserretu nau duela gutxi. Etorkinek jasotzen dituzten diru-laguntzei egiten zien erreferentzia. Imajinatu dezakezue, gutxi gorabehera, zer esaten zuen. Ez naiz xehetasunetan sartuko.
Badabil KontuLepo jendearen ahotan, eta poztekoa da. Euskal Herriko mugimendu politikoan barruak eta kanpoak astintzen dituen gaiak plazaratzeko parada ezin hobea dugu gure herriko txoko txiki hau. Eta gaurkoan, gaiaren transzendentziari eta blogak merezi duen mailari ahalik eta akordeena izan nahirik, behar baino hanka motzago geratuko zait plazaratuko dudana. Hala ere, Estatuak euskararen auzian duen paperaz hitz egiten saiatuko naiz, eztabaidarako markoa ireki asmoz, gaur egun aurkitzen garen ataka estuan gauzak argitzen hasteko.
Euskara ekoizpen modu kapitalistak subsumitu duen merkantzia bat bilakatu da, truke-balioaren logikaren baitan ekoizten eta kontsumitzen dena, interes kapitalistei jarraiki. Beraz, esan bezala, kapitalismoak merkantziak ekoizten ditu, eta horrekin giza-harremanak, pentsatzeko, jokatzeko, hitz-egiteko moduak. Hau da, bizitza ekoizten den heinean bizitza ulertzeko modua ere ekoizten da: “el ser social determina la conciencia”.
Aixialdi eredu erabat pasibo baten bizi gaitun. Antzerkiye ikustea jun, kontzierto bat ikustea, bertso sayo batea, pelota partido bat ikustea, eo besteipe telebistie ikusi. Hain zuzen, aixialdi hoye danetan merkaue sartzen jokuen, hau den, eiteben lanaatik konbrau iteñabe artista eo gañontzeko gure arreta bereganatzeben danak. Beayen artie eo dana dalakue produktu bat den. Gure zeregiñe: gustokue zein deun aukerau ta hori kontsumitzie . Segi letzen!
Kezkatik idazten ditugu artikuluak. Sentimendutik. Arrazoitik. Jolaserako gogotik ere bai agian, noizbehinka. Nire azken artikuluak kezka bat zuen pizgarri, eta arrazoitu egin nahi sentipen hori sortzen zidan arazoaren muina. Zenbaitentzat, agian, euskal kultura ez da galtzen ari. Etengabeko eraldaketan mundu modernora egokitzen soilik. Euskarak lurralde eta forma berriak ezagutzen dihardu. Eta baliteke gure komunitatearen argazki berri hau ni bezalako lau tematiren kezka soilik izatea. Segi letzen!
Gero eta aberatsago egiten ari gara KontuLepo. Gero eta anitzagoa. Gero eta zorrotzagoa analisietan. Gero eta entzutetsuagoa. Baina, zalantzarik gabe, badira ia ukitu ere egin ez ditugun hamaika alor garrantzitsu. Betidanik tripak nahastu izan dizkidan gaia da gure hizkuntza eta kulturarena. Gure hizkuntza eta kulturaren galerarena, zehatzagoa izanda. Gerora bestelako borroketan sakondu badugu ere, gure militantziarako jauzian askoren kezka iturri nagusienetakoa izan zitekeena. Euskal hiztun komunitatearen eta horren esentziaren galera. Segi letzen!
Euskararen nazioarteko eguna gaur omen dela eta, aukera baliatu nahi nuen gure hizkuntzaren gainbehera eta horren aurrean egiten diren kanpainen inguruan iritzia emateko. Ideia guztiak ongi ordenatu gabe izateak eta auziaren inguruko hari-mutur guztiak argi ez izateak ez dit utziko nahi nukeen zehaztasunez idazten edota soluzioak eskaintzen. Alabaina, hausnarketa honek balio beza ondorengo beste batzuei bide emateko, eta jendeak ikusteko ohiko bertsio ofizial eta iritzi politikoki zuzenez gain, badirela euskararen auzia beste klabe batzuetan ulertzen dituztenak ere. Segi letzen!
Iruzkin berriak